Ապրիլի 25 2025
Ազգային ֆիլմերի նախագծերի պետական ֆինանսավորման տրամադրման նպատակով 2025 թվականի առաջին մրցույթի կազմակերպման և անցկացման մասին
Հայաստանի կինոյի հիմնադրամը հայտարարում է ազգային ֆիլմերի նախագծերի պետական ֆինանսավորման տրամադրման նպատակով կազմակերպվող և անցկացվող նախագծերի մրցույթ:
Մրցույթն անցկացվում է հետևյալ խմբավորմամբ և անվանակարգերում.
- լիամետրաժ՝ խաղարկային, վավերագրական ու անիմացիոն,
- կարճամետրաժ՝ խաղարկային, վավերագրական և անիմացիոն:
Մրցույթն իրականացվում է համաձայն Հայաստանի կինոյի հիմնադրամի տնօրենի՝ 2025թ. ապրիլի 18-ի N57-Լ հրամանով հաստատված՝
«Ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման» կանոնակարգի:
«Ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման» կանոնակարգը և անհրաժեշտ ձևաթղթերը տեղադրված են Հիմնադրամի պաշտոնական www.cfarmenia.am կայքէջի ՄՐՑՈՒՅԹՆԵՐ բաժնում:
Մրցույթին մասնակցելու համար անհրաժեշտ է հայտ ուղարկել՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեին:
Հայտերի ընդունումն իրականացվելու է ս/թ մայիսի 25-ից հունիսի 3-ը ներառյալ:
