Հոկտեմբերի 12 2010
Երեւանի պետական համալսարանի մշակույթի կենտրոնի նախաձեռնությամբ դեկտեմբերի 10-ին բացվել է կինոակումբ, որը կգործի Հայաստանի ազգային կինոկենտրոնի աջակցությամբ:
Կինոակումբը բացվեց հայկական կինեմատոգրաֆի մասին «Կինոաշունի» համար պատրաստված կինոկոլաժի և հայ ականավոր վավերագրող - ռեժիսոր Արտավազդ Փելեշյանի երկու կարճամետրաժ ֆիլմերի դիտումով։ Կինոկենտրոնի տնօրենը Գ. Գեւորգյանը նշեց, որ կինոակումբին աջակցությունը կինոկենտրոնի նախաձեռնություններից մեկն է, «Կինոաշուն» ազգային կինոյի միամսյակի շրջանակներում, որն անցկացվեց Հայաստանում հոկտեմբերի 11-ից նոյեմբերի 10-ը։
Կենտրոնի տնօրենի խոսքերով, կինոակումբում ուսանողները եզակի հնարավորություն կունենան ծանոթանալու հայ հին եւ ժամանակակից ռեժիսորների գործերին: Կինոակումբի ստեղծման նպատակն է ոչ միայն ԵՊՀ ուսանողներին ծանոթացնել հայկական ազգային կինոյի ժառանգությանը, այլեւ կազմակերպել ժամանակակից հայ ռեժիսորների գործերի դիտում - քննարկումներ` կինոքննադատների եւ համապատասխան մասնագետների մասնակցությամբ: Դիտումները կինոակումբում կանցկացվեն ամիսը երկու անգամ։
